Data speed: డౌన్‌లోడ్‌లో జియో..అప్‌లోడ్‌లో వొడా - Jio tops in 4G download speed Vodafone in upload in April
close

Updated : 13/05/2021 20:42 IST
Facebook Share Twitter Share WhatsApp Share Telegram Share Link Share

Data speed: డౌన్‌లోడ్‌లో జియో..అప్‌లోడ్‌లో వొడా

దిల్లీ: ప్రముఖ టెలికా సంస్థ రిలయన్స్‌ జియో 4జీ డేటా వేగం విషయంలో మరోసారి అగ్రస్థానంలో నిలిచింది. డౌన్‌లోడ్‌ల విషయంలో సెకనుకు 20.1 మెగాబిట్‌ వేగంతో మిగతా నెట్‌వర్క్‌లకంటే ముందుందని టెలికాం రెగ్యులేటరీ అథారిటీ  (ట్రాయ్‌) వెల్లడించింది. ఈ మేరకు ఏప్రిల్‌ నెలకు సంబంధించిన డేటా వివరాలను వెలువరించింది. ఈ విషయంలో రెండోస్థానంలో నిలిచిన వొడాఫోన్‌ (7 ఎంబీపీఎస్‌) కంటే మూడు రెట్లు జియో ముందుండడం గమనార్హం. ఐడియా (5.8 ఎంబీపీఎస్‌), ఎయిర్‌టెల్‌ (5 ఎంబీపీఎస్‌) వేగంతో ఆ తర్వాతి స్థానాల్లో ఉన్నాయి. వొడాఫోన్‌- ఐడియా విలీనం అయినప్పటికీ ట్రాయ్‌ మాత్రం వేర్వేరుగానే డేటాను విడుదల చేస్తుండడం గమనార్హం.

అప్‌లోడ్‌ల విషయంలో మాత్రం వొడాఫోన్‌ అగ్రస్థానంలో నిలిచినట్లు ట్రాయ్‌ పేర్కొంది. 6.7 ఎంబీపీఎస్‌ వేగంతో డేటా బదిలీ అవుతోందని తెలిపింది. ఈ విషయాల్లో ఐడియా 6.1 ఎంబీపీఎస్‌, జియో 4.2 ఎంబీపీఎస్‌, ఎయిర్‌టెల్‌ 3.9 ఎంబీపీఎస్‌ వేగాలతో ఆ తర్వాతి స్థానాల్లో ఉన్నట్లు ట్రాయ్‌ వెల్లడించింది. ఇంటర్నెట్‌ నుంచి ఏదైనా సమాచారం పొందడానికి డౌన్‌లోడ్‌ స్పీడ్‌ అవసరమవుతుంది. అలాగే ఏదైనా ఆడియో/ వీడియో, ఇతర ఫైళ్లను ఇతరులతో వేగంగా పంచుకోవడమనేది అప్‌లోడ్‌ స్పీడ్‌పై ఆధారపడి ఉంటుంది. దేశవ్యాప్తంగా ‘మైస్పీడ్‌’ యాప్‌ ద్వారా ఈ డేటాను ట్రాయ్‌ నెల నెలా సేకరిస్తుంది.


మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని