ఆర్గానిక్‌ కెమిస్ట్రీలో పీజీ చేస్తే..?

ఎమ్మెస్సీ ఆర్గానిక్‌ కెమిస్ట్రీ పూర్తిచేసినవారికి ఏ ఉద్యోగ అవకాశాలుంటాయి?

- నాగేంద్ర, విజయనగరం

మెడికల్‌ డ్రగ్స్‌, పాలిమర్‌, ఎలక్ట్రానిక్‌ పరికరాల రంగాల్లో ఈ కోర్సు విజ్ఞానాన్ని ఉపయోగిస్తారు. దీన్ని పూర్తి చేసినవారికి సింథటిక్‌ ఆర్గానిక్‌ కెమిస్ట్‌, అనలిటికల్‌ కెమిస్ట్రీ అసోసియేట్‌, రిసెర్చ్‌ కెమిస్ట్‌, టాక్సాలజిస్ట్‌ ఉద్యోగాలు లభిస్తాయి. పొల్యూషన్‌ కంట్రోల్‌ బోర్డు, జి.ఎస్‌.ఐ, ఫెడరల్‌ హెల్త్‌ డిపార్ట్‌మెంట్‌, ఫుడ్‌ కార్పొరేషన్‌, ఓఎన్‌జీసీ, ఐఐసీటీ లాంటి సంస్థల్లో, ఆర్‌ అండ్‌ డీ శాఖల్లో ఉద్యోగ అవకాశాలున్నాయి. ప్రైవేటు రంగంలోనూ అవకాశాలున్నాయి. పీహెచ్‌డీ చేసి పరిశోధనా సంస్థల్లో శాస్త్రవేత్తగా, విద్యాసంస్థల్లో అధ్యాపకుడిగా స్థిరపడవచ్చు. పీహెచ్‌డీ తరువాత విదేశాల్లో పోస్ట్‌ డాక్టొరల్‌ ఫెలోషిప్‌కీ అవకాశాలున్నాయి.

Tags :