close

తాజా వార్తలు

Published : 25/10/2020 02:06 IST
Facebook Share Twitter Share WhatsApp Share Telegram Share

‘ఆదిపురుష్‌’: ఆయన నటించడం లేదు..!

క్లారిటీ వచ్చేసింది

ముంబయి‌: బాలీవుడ్‌ దర్శకుడు ఓంరౌత్‌ నేతృత్వంలో ప్రభాస్‌ ప్రధాన పాత్రలో నటించనున్న సినిమా ‘ఆది పురుష్‌’. భారీ బడ్జెట్‌ చిత్రంగా తెరకెక్కనున్న ఈ సినిమాలో ప్రభాస్‌ రాముడి పాత్రలో కనిపించనున్నారు. రావణుడి పాత్రలో బాలీవుడ్‌ నటుడు సైఫ్‌ అలీఖాన్‌ నటిస్తున్నట్లు చిత్రబృందం అధికారికంగా ప్రకటించింది. అయితే మరో బాలీవుడ్‌ నటుడు అజయ్‌ దేవ్‌గణ్‌ ‘ఆదిపురుష్‌’ చిత్రంలో శివుడిగా కనిపించనున్నారంటూ గత కొంతకాలంగా ప్రచారం సాగుతోంది. ఈ విషయంపై ఇప్పటికే చిత్రబృందం అజయ్‌ని సంప్రదించినట్లు.. ఆయన కూడా సినిమాలో నటించేందుకు ఆసక్తి కనబరచినట్లు వార్తలు వచ్చాయి.

కాగా, తాజాగా ఈ వార్తలపై అజయ్‌ దేవ్‌గణ్‌ టీం స్పందించింది. ఇది అవాస్తమని తేల్చి చెప్పింది . ‘ఆదిపురుష్‌’లో పాత్ర గురించి ఇప్పటివరకూ ఎవరూ అజయ్‌ని కలవలేదని స్పష్టం చేసింది. ఇప్పటికైనా ఇలాంటి ప్రచారాలకు బ్రేక్‌ పడుతుందని అజయ్‌ టీం ఆశాభావం వ్యక్తం చేసింది. మరోవైపు ఈ సినిమా సీత పాత్రలో ఎవరు నటించనున్నారనే విషయంలో ఇంకా పూర్తి స్పష్టత రాలేదు. ఇప్పటికే అనుష్క శెట్టి, అనుష్క శర్మ, కియారా అడ్వాణీ, కృతిసనన్‌ పేర్లు వినిపించినప్పటికీ చిత్రబృందం మాత్రం అధికారికంగా వెల్లడించలేదు.


Tags :

సినిమా

రాజకీయం

జనరల్‌

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు

చిత్ర వార్తలు

మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.