ఇంటర్నెట్‌ డెస్క్‌: బుల్లితెరపై యాంకర్‌గా సుపరిచితుడైన ప్రదీప్‌ మాచిరాజు, ముద్దుగుమ్మ అమృతఅయ్యర్‌ జంటగా వస్తోన్న చిత్రం ‘30రోజుల్లో ప్రేమించడం ఎలా’. పాటలతో అందరికీ ఎంతగానో వినోదం పంచిన ఈ చిత్ర ట్రైలర్‌ను విజయ్‌దేవరకొండ విడుదల చేశాడు. ఓవైపు మోడ్రన్‌ జంట.. మరోవైపు విలేజ్‌ బ్యాక్‌డ్రాప్‌లో జంటలను చూపిస్తూ సాగిన ట్రైలర్‌ ఆసక్తికరంగా ఉంది. మున్నా దర్శకత్వంలో ప్రేమకథా చిత్రంగా తెరకెక్కుతోందీ సినిమా. అనూప్‌ రూబెన్స్‌ సంగీతం అందిస్తున్నారు. ఈ చిత్రంలోని ‘నీలి నీలి ఆకాశం’ ఎంతలా అలరించిందో అందరికీ తెలిసిందే. ఈ చిత్రాన్ని ఎస్‌.వి బాబు నిర్మిస్తున్నారు. ఈ సినిమా జనవరి 29న థియేటర్లలో ప్రేక్షకుల ముందుకు రానుంది.

ఇదీ చదవండి..

సుశాంత్‌ నేనెంతో బాధపడుతున్నా : కంగన