close
Published : 22/01/2021 01:25 IST
Facebook Share Twitter Share WhatsApp Share Telegram Share
సర్కారు వారి.. దుబాయ్‌

‘సరిలేరు నీకెవ్వరు’ చిత్రం తర్వాత హీరో మహేష్‌బాబు నుంచి రానున్న సినిమా ‘సర్కారు వారి పాట’. పరశురామ్‌ దర్శకుడు. జీఎంబీ ఎంటర్‌టైన్‌మెంట్స్‌, మైత్రీ మూవీస్‌, 14రీల్స్‌ ఎంటర్‌టైన్‌మెంట్స్‌ సంయుక్తంగా నిర్మిస్తున్నాయి. కీర్తి సురేష్‌ కథానాయిక. ఈ చిత్రం మరికొద్ది రోజుల్లో దుబాయ్‌లో మొదలు కానుందని సమాచారం. ఇప్పుడిందు కోసమే తన లుక్‌ని మార్చుకునే పనిలో పడ్డారు మహేష్‌. ఆయన ఈ మధ్య పొడవాటి జుట్టు.. విభిన్నమైన లుక్స్‌తో సామాజిక మాధ్యమాల్లో దర్శనమిస్తున్న సంగతి తెలిసిందే. ఆ లుక్స్‌ ఈ చిత్రం కోసం చేస్తున్న ప్రయత్నమే అని తెలిసింది. అంతేకాదు ఈ చిత్రం కోసం ఆయన కాస్త బరువు తగ్గి మరింత స్టైలిష్‌గా కనిపించనున్నట్లు తెలుస్తుంది. ఇందుకోసమే మహేష్‌ జిమ్‌లో పెద్ద ఎత్తున కసరత్తులు చేస్తున్నారు. ప్రస్తుతం దీనికి సంబంధించిన వీడియోలు సామాజిక మాధ్యమాల్లో సందడి చేస్తున్నాయి. త్వరలో దుబాయ్‌లో ప్రారంభం కాబోయే తొలి షెడ్యూల్‌ దాదాపు నెలకు పైగా కొనసాగనుందని, అది పూర్తయిన తర్వాత హైదరాబాద్‌లో వేసిన ప్రత్యేక సెట్లో మిగిలిన టాకీ పార్ట్‌ చిత్రీకరిస్తారని తెలుస్తుంది. ఈ చిత్రానికి సంగీతం: తమన్‌.


Tags :

మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని