హీరో నవీన్‌ తల్లిదండ్రుల భావోద్వేగం
close

తాజా వార్తలు

Updated : 14/03/2021 13:44 IST
Facebook Share Twitter Share WhatsApp Share Telegram Share Link Share

హీరో నవీన్‌ తల్లిదండ్రుల భావోద్వేగం

వైరల్‌గా మారిన వీడియో

హైదరాబాద్‌: కథానాయకుడిగా రెండో చిత్రంతోనే బ్లాక్‌బస్టర్‌ విజయాన్ని తన ఖాతాలో వేసుకున్నారు నవీన్‌ పోలిశెట్టి. నటన మీద ఉన్న ఆసక్తితో ‘లైఫ్‌ ఈజ్‌ బ్యూటీఫుల్‌’, ‘1 నేనొక్కడినే’ చిత్రాల్లో చిన్న పాత్రలు పోషించిన ఆయన ‘ఏజెంట్‌ సాయి శ్రీనివాస ఆత్రేయ’తో కథానాయకుడిగా ఎంట్రీ ఇచ్చారు. సస్పెన్స్‌ థ్రిల్లర్‌గా తెరకెక్కిన ఈ సినిమా నవీన్‌కు మంచి విజయాన్ని అందించింది. ఈ క్రమంలోనే ఆయన కథానాయకుడిగా నటించిన రెండో సినిమా ‘జాతిరత్నాలు’ ఇటీవల విడుదలై బాక్సాఫీస్‌ వద్ద నవ్వుల వర్షంతో పాటు కాసుల పంట పండిస్తోంది.

‘జాతిరత్నాలు’ సినిమాతో తమ కుమారుడికి లభించిన ప్రేక్షకాదరణ చూసి నవీన్‌ తల్లిదండ్రులు ఆనందం వ్యక్తం చేశారు. నవీన్‌ను ఆత్మీయంగా దగ్గరకు తీసుకున్న తల్లిదండ్రులిద్దరూ భావోద్వేగానికి గురయ్యారు. దీనికి సంబంధించిన వీడియో ప్రస్తుతం నెట్టింట్లో వైరల్‌గా మారింది. ‘దీనినే పుత్రోత్సాహం అంటారు. నవీన్‌ తల్లిదండ్రులు చాలా సంతోషంగా ఉన్నారు.’ అంటూ నెటిజన్లు కామెంట్లు పెడుతున్నారు.

నవీన్‌ పోలిశెట్టి, ప్రియదర్శి, రాహుల్‌ రామకృష్ణ ప్రధాన పాత్రల్లో నటించిన కామెడీ ఎంటర్‌టైనర్‌ ‘జాతిరత్నాలు’. అనుదీప్‌ దర్శకుడు. వైజయంతి మూవీస్‌, స్వప్నా సినిమాస్‌ బ్యానర్లపై నాగ్‌ అశ్విన్‌ ఈ చిత్రాన్ని నిర్మించారు. ఫరియా అబ్దుల్లా కథానాయిక. ఇందులో ఓ సన్నివేశంలో కీర్తిసురేశ్‌, క్లైమాక్స్‌లో విజయ్‌ దేవరకొండ అతిథిపాత్రల్లో కనిపించి ప్రేక్షకుల్ని ఎంతగానో అలరించారు.





Tags :

మరిన్ని

జిల్లా వార్తలు
బిజినెస్
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని