#Update: కొండచరియలు విరిగి పడిన ఘటనలో 11కు చేరిన మృతుల సంఖ్య

తాజా వార్తలు

Published : 12/08/2021 01:25 IST

#Update: కొండచరియలు విరిగి పడిన ఘటనలో 11కు చేరిన మృతుల సంఖ్య

సిమ్లా: హిమాచల్‌ప్రదేశ్‌లో కొండ చరియలు విరిగిపడిన ఘటనలో మృతుల సంఖ్య 11కు చేరింది. 14 మంది గాయపడ్డారు. మరో 30 మంది ఆచూకీ లభ్యం కావాల్సి ఉంది. కొండచరియల కింద చిక్కుకున్న వారి కోసం గాలింపు చర్యలు కొనసాగుతున్నాయి.

కిన్నౌర్‌ జిల్లా రెకాంగ్‌ పియో - సిమ్లా హైవేపై బుధవారం మధ్యాహ్నం 12.45 గంటల ప్రాంతంలో ఈ ఘటన చోటుచేసుకుంది. కిన్నౌర్‌ నుంచి సిమ్లాకు వెళ్తున్న హిమాచల్‌ప్రదేశ్‌ ప్రభుత్వ రవాణా శాఖకు చెందిన ఓ ప్రయాణికుల బస్సు, ఓ ట్రక్కు, కొన్ని కార్లు కొండచరియల కింద చిక్కుకున్నట్లు ఐటీబీపీ పోలీసులు వెల్లడించారు. ప్రయాణ సమయంలో బస్సులో 40 మంది వరకు ఉన్నట్లు సమాచారం. ఘటనా స్థలిలో ఐటీబీపీ, ఎన్డీఆర్‌ఎఫ్‌ సిబ్బంది సహాయక చర్యలు చేపట్టారు. ప్రమాద ఘటనపై ప్రధాని నరేంద్రమోదీ, హోంమంత్రి అమిత్‌ షా ఆరా తీశారు. హిమాచల్‌ప్రదేశ్‌ సీఎం జైరామ్‌ ఠాకూర్‌తో ఫోన్లో మాట్లాడి కేంద్రం తరఫున అన్ని విధాలా సహకారం అందిస్తామని హామీ ఇచ్చారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని