వ్యాక్సిన్ అభివృద్ధిలో భారత్‌తో కలిసి ముందుకు..!

తాజా వార్తలు

Published : 17/04/2020 13:46 IST

వ్యాక్సిన్ అభివృద్ధిలో భారత్‌తో కలిసి ముందుకు..!

ఎదురయ్యే సవాళ్లపై కలిసి పోరాడుతామన్న అమెరికా

వాషింగ్టన్‌: కరోనా వైరస్‌పై పోరులో భారత్‌తో కలిసి పనిచేస్తామని అమెరికా మరోసారి స్పష్టంచేసింది. వైద్య విధానం, వ్యాక్సిన్‌ అభివృద్ధిలో ఇరు దేశాలు సహకరించుకుంటాయని అమెరికా విదేశాంగ మంత్రి మైక్‌ పాంపియో అభిప్రాయపడ్డారు. ప్రస్తుతం ఎదుర్కొంటున్న అతిముఖ్యమైన సమస్యలపై చర్చలతోపాటు.. సమీప భవిష్యత్తులో ఎదురయ్యే సవాళ్లపై ఇరుదేశాల మధ్య సహకారం కొనసాగుతుందని తెలిపారు. వ్యక్తిగత పరిరక్షణ పరికరాలతో పాటు హైడ్రాక్సీక్లోరోక్విన్‌ వంటి వాటికి అవరోధం లేదని పాంపియో విలేకరులతో జరిగిన టెలికాన్ఫరెన్స్‌లో వెల్లడించారు. ఇరు దేశాల జాతీయ భద్రతకు సంబంధించిన ప్రాధాన్యత అవసరాల సరఫరాపై దృష్టి సారించామన్నారు.

ఇదిలా ఉంటే, అమెరికాలో కరోనావైరస్‌ మహమ్మారి విలయతాండవం చేస్తోంది. అమెరికావ్యాప్తంగా ఈ వైరస్‌తో ఇప్పటివరకూ 34 వేల మంది మృత్యువాతపడ్డారు. గడచిన 24గంటల్లో అక్కడ 4491 మరణాలు సంభవించాయంటే పరిస్థితి ఎంత తీవ్రంగా ఉందో అర్థం చేసుకోవచ్చు.

ఇవీ చదవండి..

అమెరికాలో కరోనా కరాళనృత్యం..

చైనాపై అనుమానం నిజమేనా?..

 


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని