Amit Shah: పాకిస్థాన్‌కు అమిత్‌ షా స్ట్రాంగ్‌ వార్నింగ్‌!

తాజా వార్తలు

Updated : 14/10/2021 15:59 IST

Amit Shah: పాకిస్థాన్‌కు అమిత్‌ షా స్ట్రాంగ్‌ వార్నింగ్‌!

పనాజీ: దేశ సరిహద్దుల్లో అలజడి సృష్టించేందుకు అనునిత్యం కుట్రలు చేస్తున్న పాకిస్థాన్‌కు కేంద్ర హోంశాఖ మంత్రి అమిత్‌ షా గట్టి వార్నింగ్ ఇచ్చారు. అతిక్రమణలకు పాల్పడినా, కశ్మీర్‌లోని అమాయక ప్రజల్ని పొట్టనపెట్టుకునేందుకు ఉగ్రవాదాన్ని ఎగదోస్తే మరిన్ని మెరుపుదాడులు తప్పవని హెచ్చరించారు. భారత్‌పై దాడుల్ని సహించబోమని గతంలో సర్జికల్‌ దాడులతో నిరూపించామన్నారు. గురువారం ఆయన గోవాలోని నేషనల్‌ ఫోరెన్సిక్‌ సైన్సెస్‌ యూనివర్సిటీ (ఎన్‌ఎఫ్‌ఎస్‌యూ)కి శంకుస్థాపన చేశారు. ఈ సందర్భంగా మాట్లాడుతూ.. ప్రధాని నరేంద్ర మోదీ, రక్షణ శాఖ మాజీ మంత్రి మనోహర్‌ పారికర్‌ సారథ్యంలో పాకిస్థాన్‌పై జరిపిన సర్జికల్‌ స్ట్రైక్స్‌ ఓ కీలక అడుగు అన్నారు. దేశ సరిహద్దుల్లో ఆటంకాలు సృష్టించొద్దన్న సందేశం పంపామన్నారు. అప్పుడు చర్చలకు సమయం ఉండేది.. కానీ ఇప్పుడు మాత్రం బదులిచ్చే సమయం వచ్చేసిందని అమిత్‌ షా వ్యాఖ్యానించారు.  గతంలో  ఉరీ, పఠాన్‌కోట్‌, గురుదాస్‌పూర్‌లలో పాక్‌ ఉగ్రమూకల దాడులకు భారత్‌ ప్రతీకారం తీర్చుకుంది. పాకిస్థాన్‌లోని ఉగ్ర శిబిరాలపై మెరుపు దాడులు జరిపి ధ్వంసం చేసిన విషయం తెలిసిందే.

డబుల్‌ ఇంజిన్‌ ప్రభుత్వంతోనే అభివృద్ధి సాధ్యం

వచ్చే ఏడాది జరిగే గోవా అసెంబ్లీ ఎన్నికల్లో పూర్తిస్థాయి మెజార్టీతో తిరిగి అధికారం సొంతం చేసుకుంటామని అమిత్‌ షా ఆశాభావం వ్యక్తంచేశారు. భాజపా సారథ్యంలోని డబుల్‌ ఇంజిన్‌ ప్రభుత్వం ఉంటే  రాష్ట్ర అభివృద్ధి దోహదంచేస్తుందన్నారు. గోవాలో నేషనల్‌ ఫోరెన్సిక్‌ సైన్సెస్‌ యూనివర్సిటీ (ఎన్‌ఎఫ్‌ఎస్‌యూ)కి శంకుస్థాపన కార్యక్రమంలో ఆయన మాట్లాడారు. దేశంలో ప్రముఖ పర్యాటక రాష్ట్రమైన గోవాకు నవంబర్‌ 15 నుంచి ఛార్టర్డ్‌ విమానాలు కూడా అనుమతిస్తున్నట్టు చెప్పారు. గోవా మాజీ సీఎం దివంగత మనోహర్‌ పారికర్‌ రాష్ట్రానికి గుర్తింపు తీసుకొచ్చారని కొనియాడారు. సైన్యంలో పనిచేసే అందరికీ వన్‌ ర్యాంక్‌ వన్‌ పెన్షన్‌ (ఓఆర్‌ఓపీ)  తీసుకొచ్చిన ఆయన అందరికీ గుర్తుండిపోతారన్నారు. రాష్ట్ర అభివృద్ధి కోసం ప్రస్తుత సీఎం ప్రమోద్‌ సావంత్‌.. మనోహర్‌ పారికర్‌ మార్గంలో పయనించాలని సూచించారు. 


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని