భారత అమెరికన్‌ బాలికకు యంగ్‌ సైంటిస్ట్‌ పురస్కారం
close
Facebook Share Twitter Share WhatsApp Share Telegram Share Link Share
భారత అమెరికన్‌ బాలికకు యంగ్‌ సైంటిస్ట్‌ పురస్కారం

కరోనాకు చికిత్స మార్గాన్ని కనుగొన్న అనికా చేబ్రోలు

హ్యూస్టన్‌: కరోనా వైరస్‌ కొమ్ములు వంచే అద్భుత ఆవిష్కారాన్ని చేసిన భారత సంతతి బాలిక అనికా చేబ్రోలు (14) అమెరికాలోని ప్రతిష్ఠాత్మక  ‘3ఎం యంగ్‌ సైంటిస్ట్‌ ఛాలెంజ్‌’ను గెల్చుకుంది. ఈ పురస్కారం కింద ఆమెకు 25వేల డాలర్లు లభిస్తాయి. 3ఎం యంగ్‌ సైంటిస్ట్‌ ఛాలెంజ్‌లో మొత్తం 10 మంది విద్యార్థులు ఫైనల్స్‌కు చేరుకున్నారు. ‘ఇన్‌-సిలికో’ అనే విధానాన్ని ఉపయోగించి.. కొవిడ్‌-19 కారక సార్స్‌-కోవ్‌-2 వైరస్‌లోని కీలకమైన స్పైక్‌ ప్రొటీన్‌కు నిర్దిష్టంగా అతుక్కునే ఒక పదార్థాన్ని అనిక కనుగొంది. ఈ ప్రయోగానికి సంబంధించిన వివరాలను శాస్త్రవేత్తలతో కూడిన న్యాయనిర్ణేతల కమిటీ విశ్లేషించి విజేతగా ప్రకటించింది. గత ఏడాది అనిక తీవ్ర ఇన్‌ఫ్లూయెంజా బారిన పడింది. దీంతో ఆ రుగ్మతకు చికిత్సను కనుగొనాలని అప్పట్లో గట్టిగా తీర్మానించుకుంది. కొవిడ్‌-19 విజృంభణతో తన దృష్టి.. ఆ మహమ్మారి మీదకు మళ్లిందని వివరించింది. భవిష్యత్‌లో వైద్య పరిశోధకురాలిగా ఎదగాలని లక్ష్యంగా పెట్టుకున్నట్లు తెలిపింది.

Tags :

మరిన్ని