WTC Final: టెస్టుకు అవసరమైన సహనం కోహ్లీసేనలో లేదు

తాజా వార్తలు

Published : 02/07/2021 01:16 IST

WTC Final: టెస్టుకు అవసరమైన సహనం కోహ్లీసేనలో లేదు

ఓపిక, షాట్ల ఎంపిక ఎలా ఉండాలో కేన్‌ చూపించాడు: సన్నీ

ముంబయి: ఐసీసీ ప్రపంచ టెస్టు ఛాంపియన్‌షిప్‌ ఫైనల్లో టీమ్‌ఇండియా సుదీర్ఘ ఫార్మాట్‌కు అవసరమైనంత సహనం ప్రదర్శించలేదని క్రికెట్‌ దిగ్గజం సునిల్‌ గావస్కర్‌ అన్నారు. ఆరో రోజు వాతావరణం చాలా బాగుందని పేర్కొన్నారు. ఓపికతో పాటు షాట్ల ఎంపిక బాగుంటే ఫలితం మరోలా ఉండేదని వెల్లడించారు.

టీమ్‌ఇండియా తెలుపు బంతి క్రికెట్‌కు ఎక్కువగా అలవాటు పడిందని సన్నీ విమర్శించారు. కొన్ని చెత్త షాట్లను ఆడి ఓటమికి బాధ్యులు అయ్యారని పేర్కొన్నారు. ‘బౌలర్లకు అనుకూలించే పరిస్థితుల్లో బ్యాట్స్‌మెన్‌ ఆలోచనా విధానం ఎలా ఉండాలో? షాట్ల ఎంపిక ఎలా ఉండాలో? కేన్‌ విలియమ్సన్‌ చూపించాడు’ అని అతడిని ప్రశంసించారు.

‘ఆఖరి రోజు పరిస్థితులు చాలా బాగున్నాయి. సూర్యుడు పగటి పూటంతా ఉన్నాడు. కానీ భారతీయులు పరిమిత ఓవర్ల క్రికెట్‌కు ఎక్కువగా అలవాటు పడ్డారు. టెస్టు క్రికెట్‌కు అవసరమైనంత ఓపిక ప్రదర్శించలేదు. ఆడకూడని షాట్లతో తమ ఓటమికి తామే బాధ్యులయ్యారు. సుదీర్ఘ ఫార్మాట్‌కు అవసరమైన సహనం, షాట్ల ఎంపికను న్యూజిలాండ్‌ కెప్టెన్‌ విలియమ్సన్‌ రెండు ఇన్నింగ్సుల్లో చూపించాడు. కివీస్‌ ఇన్నింగ్స్‌ను నియంత్రించి జట్టుకు విజయం అందించాడు’ అని సన్నీ అన్నారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని