ఆరోగ్యాన్నిచ్చే ఔషధ శొంఠి!

అల్లాన్ని ఎండబెట్టి  పొడి చేస్తారు. దీన్నే శొంఠిగా పిలుస్తారు. ఘాటుగా ఉండే  దీనివల్ల బోలెడు ఆరోగ్య ప్రయోజనాలు ఉన్నాయి.

* ఇదిÈ ఉదయంపూట కలిగే వికారాన్ని తగ్గిస్తుంది. శొంఠి పొడి, తేనె, నిమ్మరసం కలిపి తీసుకుంటే వికారం, వాంతులు తగ్గుతాయి. ఇది జీవక్రియల వేగాన్ని పెంచుతుంది కూడా.

* జీర్ణసంబంధ సమస్యలకు చెక్‌ పెడుతుంది. అలాగే కొవ్వు స్థాయులను తగ్గిస్తుంది. బరువు నియంత్రణలోనూ తోడ్పడుతుంది. కాబట్టి రోజూ అన్నం తినే సమయంలో రెండు ముద్దల్లో కాస్తంత శొంఠిపొడి, నెయ్యి వేసుకుని తింటే చాలా మంచిది.

* గుండెకు మేలు చేస్తుంది. కొన్ని రకాల క్యాన్సర్లను అడ్డుకుంటుంది.

* వాపులు, నొప్పులను పోగొడుతుంది.

* దీనిలోని యాంటీఫంగల్‌ లక్షణాలు ఇన్‌ఫెక్షన్స్‌తో పోరాడతాయి.

* ఈ పొడిని క్రమం తప్పకుండా తీసుకుంటే జ్ఞాపకశక్తి పెరుగుతుంది.

* నెలసరి సమయంలో వచ్చే నడుము, తలనొప్పులను తగ్గిస్తుంది.

* రక్తంలో చక్కెర స్థాయులను నియంత్రిస్తుంది.

* ఎముకలు, కండరాల ఆరోగ్యానికి మంచిది.

* శొంఠి పొడి, మిరియాలు, యాలకులు, బెల్లం దంచి, మరిగే పాలలో కలిపి తాగితే జలుబు, దగ్గు లాంటివి తగ్గుతాయి.

* ఇది ఆకలిని పెంచడమే కాకుండా అరుగుదలను ప్రేరేపిస్తుంది. మజ్జిగలో శొంఠి పొడి కలిపి తాగితే సరి.