Crime News: కన్న కూతురిపై అఘాయిత్యం చేసిన తండ్రి అరెస్టు

మరో బాలికపైనా అత్యాచారం

ఏలేశ్వరం, న్యూస్‌టుడే: కన్నపేగు అనే మమకారం లేకుండా.. వావి వరసలు తెలియకుండా.. కన్న కూతురితో పాటు కుమార్తె వరసయ్యే మరో బాలికపై అఘాయిత్యానికి పాల్పడ్డాడో కామాంధుడు. దిశ పోలీసులకు ఫిర్యాదు అందడంతో కటకటాల పాలయ్యాడు. ఈ ఘటన తూర్పుగోదావరి జిల్లా ఏలేశ్వరం మండలంలో జరిగింది. దిశ డీఎస్పీ మురళీమోహన్‌ శనివారం విలేకర్లకు వివరాలు తెలిపారు. ఏలేశ్వరం మండలంలోని ఓ గ్రామంలో వరసకు కుమార్తె అయిన 14 ఏళ్ల బాలికపై ఆగస్టు 15న ఓ వ్యక్తి అత్యాచారం చేశాడు. ఆ బాలికకు కడుపునొప్పి రావడంతో తల్లిదండ్రులకు తెలిసింది. వారు పోలీసులకు శుక్రవారం ఫిర్యాదుచేశారు. దర్యాప్తులో ఆ వ్యక్తి ఆగస్టు 21న ఆరేళ్ల సొంత కూతురిపైనా అఘాయిత్యం చేసినట్లు తెలిసింది. నిందితుడిని కోర్టులో హాజరుపర్చగా రిమాండ్‌ విధించారన్నారు.