Published : 10/09/2021 01:54 IST

Turkey: అధ్యక్షుడు చేయాల్సిన రిబ్బన్‌ కటింగ్‌.. ఓ బుడ్డోడు ఏం చేశాడంటే..?

ఇంటర్నెట్‌ డెస్క్‌: టర్కీలో ఓ బుడ్డోడు చేసిన పనికి అందరూ అవాక్కవుతున్నారు. టర్కీ అధ్యక్షుడు రెసెప్‌ తైపీ ఎర్డోగాన్‌.. హైవే టన్నెల్‌ ప్రారంభోత్సవానికి హాజరయ్యారు. ఆ వేడుకకు వచ్చిన ఓ బాలుడు ఎర్డోగాన్ కార్యక్రమాన్ని ప్రారంభించడానికి ముందే అసహనానికి గురయ్యాడు. దీంతో అతని చేతిలో ఉన్న కత్తెరతో రిబ్బన్ కట్ చేసి టన్నెల్‌ను ప్రారంభించాడు. తాజాగా ఈ వీడియో సోషల్ మీడియాలో వైరల్ అయింది.

ఈ వీడియోలో కొంతమంది పిల్లలు వేదికపై అధ్యక్షుడి ముందు వరుసలో నిలుచున్నారు. ఒక వైపు కార్యక్రమ ప్రారంభం గురించి మాట్లాడుతుండగానే ఓ బాలుడు రిబ్బన్‌ను కత్తిరించాడు. తర్వాత దాన్ని పట్టుకునే ఉంటాడు. తన తప్పును కప్పిపుచ్చడానికి ప్రయత్నిస్తాడు. అది గుర్తించిన అధ్యక్షుడు ఎర్డోగాన్‌ ఆ పిల్లోడి తలపై చేయి వేసి.. అతనితో మాట్లాడాడు. కార్యక్రమం పూర్తయిన తర్వాత పిల్లలతో ముచ్చటిస్తూ సరదాగా హై ఫై ఇస్తాడు. ఈ వీడియోను చూసిన నెటిజన్లు సరదాగా స్పందిస్తున్నారు. ‘బుడ్డోడి చిన్న చేతులతో హైవే టన్నెల్‌ ప్రారంభమయ్యింది. భవిష్యత్తులో అంతా సవ్యంగానే జరుగుతుంది’ అని ఒకరు రాసుకొచ్చారు.

కాగా.. దీనిపై మరొక ట్విటర్‌ యూజర్‌ స్పందిస్తూ..‘‘ఈ పిల్లాడు ఏ తప్పు చేయలేదు. ఎందుకంటే, అది ఒక్క అధ్యక్షుడు మాత్రమే కట్‌ చేయాల్సింది కాదు. పిల్లలతో కూడా రిబ్బన్ కట్ చేయించాల్సి ఉంది. వారిలో చాలామంది చేతుల్లో కత్తెర ఉంది. కానీ, ఆ బాలుడు తొందరపడి అందరికంటే ముందు రిబ్బన్‌ను కత్తిరించాడు’’ అని పేర్కొన్నారు.


Read latest General News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని