Updated : 26/09/2021 11:12 IST

Diabetes: 40 ఏళ్లు దాటిన మధుమేహులకు కొవిడ్‌ ఇబ్బందికరమే

హ్యూస్టన్‌: నలభై ఏళ్లు పైబడి, టైప్‌-1 మధుమేహం ఉన్నవారు కొవిడ్‌-19 బారినపడితే.. వారికి తీవ్ర అనారోగ్యం ముప్పు ఎక్కువని తాజా అధ్యయనం వెల్లడించింది. పిల్లలు, యువతతో పోలిస్తే వీరు ఆసుపత్రిపాలు కావడానికి 7 రెట్లు ఎక్కువ అవకాశం ఉంటుందని తెలిపింది. అమెరికాలోని కాలిఫోర్నియా విశ్వవిద్యాలయ శాస్త్రవేత్తలు ఈ పరిశోధన చేశారు. కొవిడ్‌ బారినపడ్డ పిల్లలు చాలా అరుదుగానే శ్వాసకోశ సమస్యలు ఎదుర్కొంటారని, వారిలో చాలావరకూ వ్యాధి లక్షణాలు కనిపించవని పరిశోధకులు తెలిపారు. దీనికి భిన్నంగా వయోజనుల్లో శ్వాస సంబంధ రుగ్మతలు కనిపిస్తుంటాయన్నారు. వీరిలో 40 ఏళ్లు పైబడి, టైప్‌-1 మధుమేహం బారినపడ్డవారికి ‘ఆక్యూట్‌ రెస్పిరేటరీ డిస్ట్రెస్‌ సిండ్రోమ్‌’తోపాటు మరణం ముప్పు ఎక్కువని తెలిపారు. వీరిలో డయాబెటిక్‌ కీటోయాసిడోసిస్‌ లేదా తీవ్రస్థాయి హైపర్‌గ్లైసీమియా కూడా తలెత్తవచ్చని పేర్కొన్నారు. ఇలాంటివారిలో ఊబకాయం, అధికరక్తపోటు లేదా హృద్రోగం, మూత్రపిండాల వ్యాధి సమస్యలూ ఎక్కువేనని వివరించారు. దీన్నిబట్టి ఇలాంటివారికి ప్రత్యేక కొవిడ్‌ చికిత్సలు, టీకాలు అవసరమని చెప్పారు. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని