Breaking | Feedback | ePratibha | E-PAPER | Pratibha

Dhee 13: బుల్లితెరపై సిన్నప్ప డ్యాన్స్‌ హంగామా!

దక్షిణ భారతదేశంలో అతిపెద్ద డ్యాన్స్‌ రియాలిటీ షోగా పేరుగాంచింది ‘ఢీ’. ‘ఈటీవీ’ వేదికగా 13వ సీజన్‌ ప్రసారమవుతోన్న సంగతి తెలిసిందే.

Updated : 15 Aug 2022 16:56 IST

ఇంటర్నెట్‌ డెస్క్‌: దక్షిణ భారతదేశంలో అతిపెద్ద డ్యాన్స్‌ రియాలిటీ షోగా పేరుగాంచింది ‘ఢీ’. ‘ఈటీవీ’ వేదికగా 13వ సీజన్‌ ప్రసారమవుతోన్న సంగతి తెలిసిందే. ప్రదీప్‌ వ్యాఖ్యాతగా వ్యహరిస్తోన్న ఈ కార్యక్రమం క్వార్టర్‌ ఫైనల్స్‌కి చేరుకుంది. పోటాపోటీగా సాగిన ఈ ఎపిసోడ్‌కి సంబంధించిన ప్రోమో తాజాగా విడుదలైంది. ‘నారప్ప’ ఫేం రాఖీ, ర్యాప్‌ సింగర్‌ రోల్‌రైడా తదితరులు అతిథులుగా విచ్చేసి తమ డ్యాన్స్‌ పెర్ఫార్మెన్స్‌తో ఆకట్టుకున్నారు. ఫ్రీడమ్‌ (ఎవడు) పాటతో రాఖీ, ‘భీమ్లా నాయక్‌’ పాటతో రోల్‌రైడా ఫిదా చేశారు. ఓ కంటెస్టెంట్ ప్రముఖ నటుడు బాలకృష్ణ గెటప్‌లో దర్శనమిచ్చి అల్లు అర్జున్‌ పాటకి డ్యాన్స్‌ చేసి వావ్‌ అనిపించాడు. సిత్తరాల సిరపడు (అల వైకుంఠపురములో) పాటకి తనదైన శైలిలో స్టెప్పులేసి సందడి చేశాడు. దీంతో షో అంతా ‘జై బాలయ్య’ నినాదంతో దద్దరిల్లింది. ‘క్వీన్స్‌’ టీమ్‌ లీడర్లు రష్మి, దీపికా, ‘కింగ్స్‌’ టీమ్‌ లీడర్లు ఆది, సుధీర్‌ ఎప్పటిలానే నవ్వులు పంచారు. పవన్‌ కల్యాణ్‌ని ఇమిటేట్‌ చేస్తూ ఓ కంటెస్టెంట్‌ చేసిన హంగామాతో ప్రోమో ముగిసింది. ఈ వినోదాన్ని పూర్తిస్థాయిలో ఆస్వాదించాలంటే అక్టోబరు 27 వరకు వేచి చూడాల్సిందే.

► Read latest Movies News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.