Breaking | Feedback | ePratibha | E-PAPER | Pratibha

Sridevi Drama Company: ఈ కామెడీని తట్టుకోవడం కష్టమే!

ఈటీవీ వేదికగా ప్రతి ఆదివారం ప్రేక్షకులకి వినోదం పంచే కార్యక్రమం ‘శ్రీదేవి డ్రామా కంపెనీ’. ఎప్పటిలానే తదుపరి ఎపిసోడ్‌ని నవ్వులతో నింపేసింది. ఆగస్టు 8న ప్రసారం కానున్న ఎపిసోడ్‌కి సంబంధించిన ప్రోమో తాజాగా విడుదలై యూట్యూబ్‌లో సందడి చేస్తోంది.

Updated : 17 Aug 2022 10:57 IST

ఇంటర్నెట్‌ డెస్క్‌: ఈటీవీ వేదికగా ప్రతి ఆదివారం ప్రేక్షకులకి వినోదం పంచే కార్యక్రమం ‘శ్రీదేవి డ్రామా కంపెనీ’. ఈ షో ఎప్పటిలానే తదుపరి ఎపిసోడ్‌ని నవ్వులతో నింపేసింది. ఆగస్టు 8న ప్రసారం కానున్న ఎపిసోడ్‌కి సంబంధించిన ప్రోమో తాజాగా విడుదలై యూట్యూబ్‌లో సందడి చేస్తోంది. వీడియో ప్రారంభం నుంచి ముగింపు వరకు ఎక్కడా ‘తగ్గేదే ల్యా’ అన్నట్టు సాగింది. వరుస పంచ్‌లతో కబుపుబ్బా నవ్విస్తోంది. క్లాస్‌ వర్సెస్‌ మాస్‌ వ్యక్తుల మధ్య రైలు ప్రయాణం ఎలా ఉంటుందో చూపించిన తీరు అలరిస్తోంది. ఈ ప్రయాణంలో రాం ప్రసాద్‌, గెటప్‌ శ్రీను మధ్య వచ్చే సంభాషణలు వింటే పొట్ట చెక్కలవ్వాల్సిందే! మరో సందర్భంలో ‘ఈ రూ.2000 నోటు చెల్లదురా’ అంటూ గెటప్‌ శ్రీను అనగానే ‘అది అక్కది చెల్లిది కాదు’ అని ప్రసాద్‌ సందడి చేశాడు. మ ఇదంతా చూస్తే ‘ఈ కామెడీని తట్టుకోవడం కష్టమే’ అని మీకూ అనిపిస్తుంది. గెటప్‌ శ్రీను స్ఫూర్తినిచ్చే గీతంతో ఆకట్టుకున్నాడు. కరోనా సమయంలో టాలీవుడ్‌ హీరోలు చేసిన సాయాన్ని తెలియజేశాడు. ‘సాయానికి ప్రచారం లేకపోయినా దాని గురించి సమాచారం ఇస్తే వేరే వాళ్లకి స్ఫూర్తిగా నిలుస్తుంది’ అని తెలిపాడు.

► Read latest Movies News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.