గండ్ర మోహన్‌రావుకు రాజ్యసభ అవకాశం కల్పించాలి

తెరాస న్యాయవాద విభాగం విజ్ఞప్తి

తెరాస న్యాయవాద విభాగం సమావేశంలో మాట్లాడుతున్న బార్‌ అసోసియేషన్‌ ప్రధాన కార్యదర్శి చెంగల్వ కల్యాణ్‌రావు

ఈనాడు, హైదరాబాద్‌: తెలంగాణ బార్‌ అసోసియేషన్‌ మొదటి అధ్యక్షుడు, బార్‌కౌన్సిల్‌ సభ్యుడైన గండ్ర మోహన్‌రావుకు వచ్చే రాజ్యసభ ఎన్నికల్లో అవకాశం కల్పించాలని తెరాస న్యాయవాద విభాగం ముఖ్యమంత్రి కేసీఆర్‌ను కోరింది. బార్‌ అసోసియేషన్‌ రాష్ట్ర ప్రధాన కార్యదర్శి చెంగల్వ కల్యాణ్‌రావు అధ్యక్షతన ఆదివారం తెలంగాణభవన్‌లో తెరాస న్యాయవాద విభాగం సమావేశం జరిగింది. రవికుమార్‌, గోవర్ధన్‌రెడ్డి, రాజేశ్వర్‌రావు, అజయ్‌కుమార్‌, రాము, మల్లేశ్‌ తదితరులు సమావేశంలో పాల్గొన్నారు. ఈ సందర్భంగా కల్యాణ్‌రావు మాట్లాడుతూ, తెలంగాణ ఉద్యమంలో గండ్రమోహన్‌రావు కీలకపాత్ర పోషించారని తెలిపారు. అనుభవజ్ఞుడు, న్యాయనిపుణుడైన గండ్రకు రాజ్యసభలో అవకాశం కల్పించడం వల్ల ఆయన మరిన్ని సేవలందించగలుగుతారని చెప్పారు. ఈ మేరకు సమావేశం ఏకగ్రీవంగా తీర్మానించింది.