Published : 21/09/2021 01:29 IST

Punjab: సీఎం మార్పుతో రాహుల్‌ గాంధీ ప్రజలకు నమ్మకాన్ని కల్పించారు: సిద్ధూ

చండీగఢ్‌: పంజాబ్‌ ముఖ్యమంత్రి పీఠం నుంచి కెప్టెన్ అమరీందర్‌సింగ్‌ అకస్మాతుగా తప్పుకోవడం.. కొత్త సీఎంగా పలువురి పేర్లు వినిపించినప్పటికీ అనూహ్యంగా చరణ్‌జిత్‌ చన్నీ ఆ స్థానాన్ని దక్కించుకున్నారు. అమరీందర్‌ నాయకత్వాన్ని మొదటి నుంచీ వ్యతిరేకిస్తూ వస్తున్న పంజాబ్‌ పీసీసీ అధ్యక్షుడు నవజోత్‌సింగ్‌ సిద్ధూ.. తాజాగా అధిష్ఠానం తీసుకున్న నిర్ణయాన్ని స్వాగతించారు. కాంగ్రెస్‌ ప్రధాన నేత రాహుల్‌ గాంధీపై ప్రశంసించారు. ‘రాహుల్‌ గాంధీ ఓ ముఖ్యమంత్రిని నియమించడమే కాదు.. ప్రజలకు నమ్మకం, ధైర్యాన్ని కల్పించారు. ప్రజలకు ఇచ్చిన వాగ్దానాలపై నూతన ముఖ్యమంత్రి పనిచేయడం ప్రారంభించారు’ అని సిద్ధూ పేర్కొన్నారు.

అమరీందర్‌సింగ్‌కు, ఆ రాష్ట్ర పార్టీ చీఫ్‌ సిద్ధూకు మధ్య మొదటి నుంచీ విభేదాలున్నాయి. సిద్ధూ మద్దతుదారులైన పలువురు ఎమ్మెల్యేలు కెప్టెన్‌పై గతంలో తిరుగుబాటు ప్రకటించారు. అధిష్ఠానానికి సీఎం వ్యతిరేక వర్గం ఇటీవల లేఖ రాసినట్లు పార్టీలోని విశ్వసనీయ వర్గాలు వెల్లడించాయి. వీటితోపాటు పార్టీలోని లుకలుకలను అవమానకరంగా భావించిన అమరీందర్‌సింగ్‌ రాజీనామా చేసినట్లు తెలుస్తోంది. దీంతో కాంగ్రెస్‌ అధిష్ఠానం సీఎం ఎంపిక ప్రక్రియను ప్రారంభించింది. సీఎం అభ్యర్థిగా సునీల్‌ జాఖడ్‌, సుఖ్‌జీందర్‌సింగ్‌ రంధ్వా, రాజేందర్‌ కౌర్‌ భట్టల్‌ వంటి సీనియర్‌ నేతల పేర్లు వినిపించాయి. కానీ వారిని కాదని.. ఎస్సీ నేత, మూడు సార్లు ఎమ్మెల్యేగా గెలుపొందిన చరణ్‌జిత్‌కు కాంగ్రెస్‌ పట్టం కట్టింది. నేడు ఆయన ప్రమాణస్వీకారం చేశారు.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని