IND vs NZ: 135లోనే నా లయ బాగుంటుంది
ప్రస్తుతం ఫాస్ట్బౌలర్లలో చాలామంది 145 కిలోమీటర్ల వేగంతో బంతులేసేవాళ్లే. వేగం 140 కి.మీ.కి తగ్గితే బ్యాట్స్మెన్కు కళ్లెం వేయడం కష్టమని భావిస్తారు పేసర్లు. అయితే ఐపీఎల్లో హర్షల్ పటేల్ మాత్రం 135 కి.మీ...
రాంచి: ప్రస్తుతం ఫాస్ట్బౌలర్లలో చాలామంది 145 కిలోమీటర్ల వేగంతో బంతులేసేవాళ్లే. వేగం 140 కి.మీ.కి తగ్గితే బ్యాట్స్మెన్కు కళ్లెం వేయడం కష్టమని భావిస్తారు పేసర్లు. అయితే ఐపీఎల్లో హర్షల్ పటేల్ మాత్రం 135 కి.మీ వేగంతోనే ఐపీఎల్లో బ్యాట్స్మెన్ను కట్టడి చేస్తూ వస్తున్నాడు. నిలకడగా వికెట్లు తీస్తూ అతను భారత టీ20 జట్టులోనూ చోటు సంపాదించాడు. మరి తక్కువ వేగంతో ఎలా విజయవంతం అవుతున్నావని హర్షల్ను అడిగితే.. ‘‘ఒక ఫాస్ట్బౌలర్గా నేను కూడా వేగంగానే బంతులు వేయాలని కోరుకుంటా. కానీ 135 కి.మీ. వేగంతో బంతులేసినపుడే నా లయ బాగుంటోంది. మహా అయితే నేను 140 కి.మీ.ని అందుకుంటానేమో. దాన్ని మించిన వేగంతో మాత్రం బంతులు వేయలేను. అందుకే నేను వేగం గురించి పట్టించుకోకుండా ఇతర నైపుణ్యాలపై దృష్టిపెడుతున్నా’’ అని చెప్పాడు. ఇక టీమ్ఇండియాకు ఆడే అవకాశం ఆలస్యంగా వచ్చిందా అన్న ప్రశ్నకు జవాబిస్తూ.. ‘‘నేను ఏదో ఒక రోజు అత్యున్నత స్థాయిలో ఆడతానని తెలుసు. ఆ అవకాశం నాకు దక్కదని ఎప్పుడూ అనిపించలేదు’’ అని ఇంకో రెండు రోజుల్లో 31వ పుట్టిన రోజు జరుపుకోనున్న హర్షల్ చెప్పాడు. శుక్రవారం న్యూజిలాండ్తో రెండో టీ20లో అంతర్జాతీయ అరంగేట్రం చేసిన హర్షల్ 2 వికెట్లతో ‘మ్యాన్ ఆఫ్ ద మ్యాచ్’ అందుకున్న సంగతి తెలిసిందే.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
వాట్సప్లో కొత్త ఖాతాల నుంచి సందేశాలు రావిక..?
-
#ఆఫీస్ పికాకింగ్.. కార్పొరేట్ ప్రపంచంలో మరో ట్రెండ్.. ఏమిటిది?
-
నేటి రాశి ఫలాలు.. 12 రాశుల ఫలితాలు ఇలా... (02/05/24)
-
‘అద్దె ఇల్లే సో బెటరు’.. కారణం చెప్పిన బాంబే షేవింగ్ కంపెనీ సీఈఓ
-
గూగుల్తో ఇంగ్లిష్ ప్రాక్టీస్.. కొత్త ఏఐ ఫీచర్ను ఎలా వాడాలి?
-
స్విమ్మింగ్ పూల్లో కేథరిన్.. సముద్ర తీరాన శ్రీనిధి