RCB Vs SRH:ఊపుమీదున్న ఆర్సీబీ.. సన్రైజర్స్ తీరు ఇకనైనా మారేనా?
ఐపీఎల్-14 సీజన్లో మరో బుధవారం రాత్రి మరో ఆసక్తికరమైన పోరు జరగనుంది. వరుస విజయాలతో దూసుకుపోతున్న రాయల్ ఛాలెంజర్స్ బెంగళూరు.. పరాజయాల పరంపర కొనసాగిస్తున్న సన్రైజర్స్ హైదరాబాద్ జట్లు ఈ మ్యాచ్లో తలపడనున్నాయి. 12 మ్యాచ్లు
(Photo: RCB Twitter)
ఇంటర్నెట్ డెస్క్: ఐపీఎల్-14 సీజన్లో బుధవారం రాత్రి మరో ఆసక్తికరమైన పోరు జరగనుంది. వరుస విజయాలతో దూసుకుపోతున్న రాయల్ ఛాలెంజర్స్ బెంగళూరు.. పరాజయాల పరంపర కొనసాగిస్తున్న సన్రైజర్స్ హైదరాబాద్ జట్లు ఈ మ్యాచ్లో తలపడనున్నాయి. 12 మ్యాచ్లు ఆడి ఎనిమిది విజయాలతో ఆర్సీబీ ఇప్పటికే ప్లే ఆఫ్స్ ఖరారు చేసుకోగా.. అత్యంత పేలవ ప్రదర్శన కనబరుస్తూ ఆడిన 12 మ్యాచ్ల్లో కేవలం రెండింటిలో మాత్రమే నెగ్గిన సన్రైజర్స్ ప్లే ఆఫ్స్ రేసు నుంచి చాలా రోజుల క్రితమే నిష్క్రమించింది. ఈ రెండు జట్లలో పరిస్థితి ఎలా ఉందో ఓ సారి తెలుసుకుందాం.
హ్యాట్రిక్ విజయాలతో జోరుమీదున్న కోహ్లి సేన..
ఈ సీజన్ తొలి దశ నుంచే ఆర్సీబీ మెరుగ్గా ఆడుతోంది. తొలి దశలో ఏడు మ్యాచ్లు ఆడిన బెంగళూరు.. మొదట నాలుగు మ్యాచ్ల్లో విజయాలు సాధించింది. తర్వాత జరిగిన మూడు మ్యాచ్ల్లో రెండింటిలో ఓటమిపాలైంది. రెండో దశలో కోల్కతా, చెన్నై చేతిలో కంగుతిన్న ఆర్సీబీ.. తర్వాత పుంజుకుంది. బలమైన ముంబయి ఇండియన్స్ జట్టును 54 పరుగులతో ఓడించింది. అనంతరం రాజస్థాన్, పంజాబ్ కింగ్స్పై కూడా నెగ్గి హ్యాట్రిక్ విజయాలను నమోదు చేసి ప్లే ఆఫ్స్ని ఖరారు చేసుకుంది. సన్రైజర్స్తో జరిగే మ్యాచ్లో గెలిచి పాయింట్ల పట్టికలో టాప్-2లో నిలవాలని భావిస్తోంది. కెప్టెన్ విరాట్ కోహ్లి, దేవదత్ పడిక్కల్ నిలకడగా పరుగులు చేస్తున్నారు. గ్లెన్ మ్యాక్స్వెల్ కూడా ఫామ్లో ఉండటం ఆ జట్టుకు కలిసొచ్చే అంశం.
మిడిల్ ఆర్డర్ బ్యాటర్ ఏబీ డివిలియర్స్ నుంచి ఇప్పటివరకు భారీ ఇన్నింగ్స్ రాలేదు. ఇదొక్కటే ఆందోళన కలిగించే విషయం. బౌలింగ్లో హర్షపటేల్ అదరగొడుతున్నాడు. కీలక సమయాల్లో వికెట్లు తీస్తూ జట్టు విజయాల్లో కీలకపాత్ర పోషిస్తున్నాడు. అంతేకాదు ఈ సీజన్లో అత్యధిక వికెట్లు (26) తీసిన బౌలర్గా కొనసాగుతున్నాడు. మణికట్టు మాంత్రికుడు యుజువేంద్ర చాహల్ గాడిలో పడ్డట్టు కనిపిస్తున్నాడు. ఆదివారం పంజాబ్తో జరిగిన మ్యాచ్లో మూడు వికెట్లు తీశాడు. మహ్మద్ సిరాజ్ అంతగా ప్రభావం చూపలేకపోతున్నాడు. ఇప్పటివరకు ఈ సీజన్లో ఏడు వికెట్లు మాత్రమే పడగొట్టాడు. బౌలింగ్లో ఈ జట్టు ఇంకాస్త మెరుగవ్వాల్సిన అవసరం ఉంది. లేకుంటే ప్లే ఆఫ్స్లో ఇబ్బందులు ఎదురయ్యే అవకాశం ఉంది.
సన్రైజర్స్..ఇకనైనా గెలుపు బాట పట్టేనా?
ఈ సీజన్లో అత్యంత పేలవ ప్రదర్శన కొనసాగిస్తున్న జట్టు ఏదైనా ఉందంటే అది సన్రైజర్సే. తొలి దశలో ఏడు మ్యాచ్లు ఆడిన హైదరాబాద్..పంజాబ్ కింగ్స్ జట్టుపై మాత్రమే విజయం సాధించింది. రెండో దశలో పుంజుకుంటుందనుకుంటే భావించినా.. పరిస్థితి మార్పు మాత్రం కనిపించడం లేదు. ఈ దశలో నాలుగు మ్యాచ్లో ఆడిన ఎస్ఆర్హెచ్.. రాజస్థాన్తో జరిగిన మ్యాచ్లో మాత్రమే విజయం సాధించింది. సన్రైజర్స్ ఓటములకు ప్రధాన కారణం బ్యాటింగ్ ఆర్డర్ పూర్తిగా విఫలమవడం. ఏ ఒక్క బ్యాటర్ కూడా నిలకడగా పరుగులు చేయడం లేదు. విలియమ్సన్,సాహా, అబ్దుల్ సమద్, మనీశ్ పాండే, కేదార్ జాదవ్ ఇలా ఏ ఆటగాడిని తీసుకున్న నిలకడగా పరుగులు చేయడం లేదు. బౌలింగ్లో రషీద్ఖాన్ ఒక్కడే కాస్త ఫర్వాలేదనిపిస్తున్నాడు. భువనేశ్వర్ కుమార్, సందీప్ శర్మ, ఖలీల్ అహ్మద్, సిద్దార్థ్ కౌల్ ప్రభావం చూపలేకపోతున్నారు. మిగిలిన రెండు లీగ్ మ్యాచ్ల్లోనైనా బ్యాటింగ్, బౌలింగ్లో లోపాలను సరిచేసుకుని టోర్నీని విజయాలతో ముగిస్తుందేమో చూడాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
కావ్యా మారన్పై మీమ్స్.. విరాట్పై సోడా బాటిల్ జోక్స్
ఐపీఎల్ 17వ సీజన్లో బెంగళూరుకు రెండో విజయం దక్కింది. మరోవైపు సొంత మైదానంలో హైదరాబాద్కు ఓటమి ఎదురైంది. -
ఆ ఇద్దరికి పగలంతా నిద్ర.. రాత్రంతా జాగారం: వసీమ్ అక్రమ్
వెస్టిండీస్ క్రికెటర్లకు ఐపీఎల్ తొలినాళ్లలో ఎదురైన ఇబ్బందులను పాక్ మాజీ క్రికెటర్ ఓ ఇంటర్వ్యూలో వెల్లడించాడు. -
ప్రపంచకప్నకు టీమ్ ఇండియా... రోహిత్, విరాట్కి కాకుండా అతనికే ఎక్కువ ఓట్లు!
టీ20 ప్రపంచకప్కు టీమ్ ఇండియాను ఎంచుకోండి అని అడిగితే.. పాఠకులు సెలక్ట్ చేసిన 15 మంది వీరే. -
ఆ సమయంలో అతడు ఒక్క బౌండరీ కొట్టలేదు : విరాట్ స్ట్రైక్రేట్పై గావస్కర్
హైదరాబాద్తో జరిగిన మ్యాచ్లో విరాట్ కోహ్లీ(Virat Kohli) ఆటతీరుపై సునీల్ గావస్కర్ విమర్శలు గుప్పించాడు. -
ట్రావిస్ హెడ్ బలహీనతను పట్టిన బెంగళూరు..!
ఉప్పల్లో హైదరాబాద్-బెంగళూరు మధ్య జరిగిన మ్యాచ్లో ట్రావిస్ హెడ్ బలహీనత మరోసారి బయటపడింది. ఆర్సీబీ కెప్టెన్ ఫాఫ్ దీనిని చక్కగా సద్వినియోగం చేసుకున్నాడు. -
అప్పుడు పరుగులు చేసింది కోహ్లీ ఒక్కడే: డుప్లెసిస్
Faf du Plessis: విజయంతోనే జట్టులో విశ్వాసం వస్తుందన్నాడు బెంగళూరు సారథి ఫాఫ్ డుప్లెసిస్. తమ జట్టులో విరాట్ కోహ్లీ టాప్ స్కోరర్గా ఉండటం ఆనందంగా ఉందన్నాడు. -
ప్రతి మ్యాచ్లో అది పనిచేయదు, అయినా..: కమిన్స్
Pat Cummins: హైదరాబాద్ వేదికగా గురువారం జరిగిన ఐపీఎల్ మ్యాచ్లో బెంగళూరు చేతిలో సన్రైజర్స్ ఓటమిపాలైంది. దీనిపై కమిన్స్ మాట్లాడుతూ.. తమ జట్టు అనుసరిస్తున్న వ్యూహాన్ని సమర్థించుకున్నాడు. -
బెంగళూరు గెలిచిందోచ్..
విధ్వంసక బ్యాటింగ్తో ప్రత్యర్థులను హడలెత్తిస్తున్న సన్రైజర్స్ హైదరాబాద్తో వరుస ఓటములతో సతమతమవుతున్న రాయల్ ఛాలెంజర్స్ బెంగళూరుతో మ్యాచ్ అంటే ఫేవరెట్ ఎవరో చెప్పాల్సిన పని లేదు. -
చదరంగ యువరాజుకు ఘన స్వాగతం
సమయం తెల్లవారుజామున 3 గంటలు. చెన్నై అంతర్జాతీయ విమానాశ్రయం. సాధారణంగా రాత్రి వేళ ప్రయాణికులతో మాత్రమే కాస్త సందడిగా ఉండే ఆ విమానాశ్రయంలో గురువారం మాత్రం ఎంతో హడావుడి నెలకొంది. -
దిల్లీ జట్టులోకి గుల్బాదిన్
గాయంతో ఐపీఎల్ 17వ సీజన్ నుంచి అర్ధంతరంగా తప్పుకొన్న మిచెల్ మార్ష్ స్థానాన్ని అఫ్గానిస్థాన్ పేస్ ఆల్రౌండర్ గుల్బాదిన్ నయీబ్తో దిల్లీ క్యాపిటల్స్ భర్తీ చేసింది. -
ఫైనల్లో ధీరజ్ బృందం
ఆర్చరీ ప్రపంచకప్ స్టేజ్-1 టోర్నీలో భారత పురుషుల రికర్వ్ జట్టు సత్తా చాటింది. -
ఆ నిబంధనతో ప్రమాదమే
ఇంపాక్ట్ ప్లేయర్ నిబంధన వల్ల ఆల్రౌండర్ పాత్ర ప్రమాదంలో పడుతోందని స్పిన్నర్ అక్షర్ పటేల్ అన్నాడు. -
ట్రయల్స్లో అర్జున్ రికార్డు స్కోరు
ఒలింపిక్ షూటింగ్ ట్రయల్స్ 10మీ ఎయిర్ రైఫిల్లో అర్జున్ బబూత ప్రపంచ రికార్డు స్కోరు (254) సాధించాడు. -
భారత అథ్లెట్ల జోరు
ఆసియా అండర్-20 అథ్లెటిక్స్ ఛాంపియన్షిప్స్లో భారత అథ్లెట్ల జోరు కొనసాగుతోంది.
తాజా వార్తలు (Latest News)
-
ఈనాడు.నెట్లో టాప్ 10 వార్తలు @ 9PM
-
మహేశ్ బాబు, మమ్ముట్టి, షారుక్లతో సినిమా.. నెల్సన్ ప్లాన్ ఇదే..
-
టిబెట్ అంశంపై వారితో మాత్రమే చర్చిస్తాం : చైనా
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
పిఠాపురంలో రూ.80లక్షల విలువైన మద్యం పట్టివేత
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!