T20 World Cup: న్యూజిలాండ్ గన్ తీసుకుంది కానీ.. బుల్లెట్లు పేల్చలేదు: మెక్కలమ్
ఆస్ట్రేలియాతో జరిగిన టీ20 ప్రపంచకప్ ఫైనల్లో న్యూజిలాండ్ ఓటమిపాలవ్వడంపై ఆ జట్టు మాజీ కెప్టెన్ బ్రెండన్ మెక్కలమ్ స్పందించాడు. కివీస్ గన్ తీసుకుంది కానీ, బుల్లెట్లు పేల్చలేదని వ్యాఖ్యానించాడు...
ఇంటర్నెట్డెస్క్: ఆస్ట్రేలియాతో జరిగిన టీ20 ప్రపంచకప్ ఫైనల్లో న్యూజిలాండ్ ఓటమిపాలవ్వడంపై ఆ జట్టు మాజీ కెప్టెన్ బ్రెండన్ మెక్కలమ్ స్పందించాడు. కివీస్ గన్ తీసుకుంది కానీ.. బుల్లెట్లు పేల్చలేదని వ్యాఖ్యానించాడు. ఆ జట్టులో నాణ్యమైన ఆటగాళ్లు ఉన్నా సరైన ప్రదర్శన చేయలేకపోయారని పేర్కొన్నాడు. విలియమ్సన్ టీమ్ మంచి అవకాశాన్ని చేజార్చుకుందని చెప్పాడు. తుదిపోరులో కాస్త తడబడ్డారన్నాడు.
‘నేను మార్టిన్ గప్తిల్ నుంచి మరింత మంచి ఇన్నింగ్స్ ఆశించాను. అతడు 35 బంతుల్లో 28 పరుగులే చేశాడు. ఆ పద్ధతి అస్సలు బాగోలేదు. అయితే, అంతకుముందు 15 బంతుల్లో 16 పరుగులు చేశాడు. తర్వాతి 20 బంతుల్లో 12 పరుగులే చేశాడు. ఒక విధంగా చెప్పాలంటే అలాంటి పరిస్థితుల్లోనే దూకుడుగా ఆడాలి. అయితే, అక్కడే న్యూజిలాండ్ వెనుకబడిపోయింది. కీలక సమయంలో పరుగులు చేయలేకపోయింది’ అని మెక్కలమ్ తన అభిప్రాయం వెల్లడించాడు.
కాగా, ఈ మ్యాచ్లో మిగతా బ్యాట్స్మెన్ పెద్దగా స్కోర్లు సాధించకపోయినా కెప్టెన్ కేన్ విలియమ్సన్ (85; 48 బంతుల్లో 10x4, 3x6) రెచ్చిపోయాడు. చివర్లో మరింత ధాటిగా ఆడే క్రమంలో హేజిల్వుడ్ బౌలింగ్లో ఔటయ్యాడు. ఈ క్రమంలోనే న్యూజిలాండ్ నిర్ణీత ఓవర్లలో నాలుగు వికెట్ల నష్టానికి 172 పరుగులు చేసింది. అనంతరం ఆస్ట్రేలియా బ్యాట్స్మెన్ డేవిడ్ వార్నర్ (53; 38 బంతుల్లో 4x4, 3x6), మిచెల్ మార్ష్ (77 నాటౌట్; 50 బంతుల్లో 6x4, 4x6) దంచికొట్టడంతో ఆ జట్టు 18.5 ఓవర్లలో లక్ష్యాన్ని పూర్తి చేసింది. దీంతో తొలిసారి పొట్టి ప్రపంచకప్ను ముద్దాడింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
బెంగళూరు గెలిచిందోచ్
విధ్వంసక బ్యాటింగ్తో ప్రత్యర్థులను హడలెత్తిస్తున్న సన్రైజర్స్ హైదరాబాద్తో వరుస ఓటములతో సతమతమవుతున్న రాయల్ ఛాలెంజర్స్ బెంగళూరుతో మ్యాచ్ అంటే ఫేవరెట్ ఎవరో చెప్పాల్సిన పని లేదు. -
చదరంగ యువరాజుకు ఘన స్వాగతం
సమయం తెల్లవారుజామున 3 గంటలు. చెన్నై అంతర్జాతీయ విమానాశ్రయం. సాధారణంగా రాత్రి వేళ ప్రయాణికులతో మాత్రమే కాస్త సందడిగా ఉండే ఆ విమానాశ్రయంలో గురువారం మాత్రం ఎంతో హడావుడి నెలకొంది. -
దిల్లీ జట్టులోకి గుల్బాదిన్
గాయంతో ఐపీఎల్ 17వ సీజన్ నుంచి అర్ధంతరంగా తప్పుకొన్న మిచెల్ మార్ష్ స్థానాన్ని అఫ్గానిస్థాన్ పేస్ ఆల్రౌండర్ గుల్బాదిన్ నయీబ్తో దిల్లీ క్యాపిటల్స్ భర్తీ చేసింది. -
ఫైనల్లో ధీరజ్ బృందం
ఆర్చరీ ప్రపంచకప్ స్టేజ్-1 టోర్నీలో భారత పురుషుల రికర్వ్ జట్టు సత్తా చాటింది. -
ఆ నిబంధనతో ప్రమాదమే
ఇంపాక్ట్ ప్లేయర్ నిబంధన వల్ల ఆల్రౌండర్ పాత్ర ప్రమాదంలో పడుతోందని స్పిన్నర్ అక్షర్ పటేల్ అన్నాడు. -
ట్రయల్స్లో అర్జున్ రికార్డు స్కోరు
ఒలింపిక్ షూటింగ్ ట్రయల్స్ 10మీ ఎయిర్ రైఫిల్లో అర్జున్ బబూత ప్రపంచ రికార్డు స్కోరు (254) సాధించాడు. -
భారత అథ్లెట్ల జోరు
ఆసియా అండర్-20 అథ్లెటిక్స్ ఛాంపియన్షిప్స్లో భారత అథ్లెట్ల జోరు కొనసాగుతోంది.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (26/04/24)
-
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
-
బంగ్లాదేశ్ను చూసి సిగ్గు పడుతున్నాం - పాకిస్థాన్ ప్రధాని
-
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
-
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
-
‘హీరామండీ’తో నా కల నెరవేరింది: సోనాక్షి సిన్హా