Updated : 16/11/2021 15:24 IST

IND vs NZ: భారత్‌పై షహీన్‌ అఫ్రిదిలాగే బౌలింగ్ చేయాలనుకుంటున్నా: బౌల్ట్‌

ఇంటర్నెట్‌డెస్క్‌: ఐసీసీ టీ20 ప్రపంచకప్‌లో భాగంగా టీమ్‌ఇండియా నేడు న్యూజిలాండ్‌తో కీలకపోరులో తలపడనుంది. ఇరు జట్లకూ ఈ మ్యాచ్‌లో కచ్చితంగా గెలవాల్సిన పరిస్థితి. పాకిస్థాన్‌తో రెండు జట్లూ ఓడిన నేపథ్యంలో ఈ మ్యాచ్‌ ఆసక్తిగా మారింది. ఇందులో ఓడిన జట్టు సెమీస్‌ అవకాశాలు దాదాపు కోల్పోయినట్లే. ఈ నేపథ్యంలోనే మీడియాతో మాట్లాడిన కివీస్‌ పేసర్‌ ట్రెంట్‌బోల్డ్‌.. ఈ మ్యాచ్‌లో తాము టీమ్‌ఇండియా బ్యాట్స్‌మెన్‌ను ఎలా కట్టడి చేయాలనుకుంటున్నామో వివరించాడు.

తొలుత భారత టాప్‌ఆర్డర్‌ను టార్గెట్‌ చేయాలనుకుంటున్నట్లు కివీస్‌ పేసర్‌ స్పష్టం చేశాడు. ఆదిలోనే టీమ్‌ఇండియా బ్యాటర్లను కట్టడి చేసి కోహ్లీసేనపై ఒత్తిడి తేవాలనుకుంటున్నట్లు చెప్పాడు. అదే తమ బౌలర్ల ప్రధాన కర్తవ్యమన్నాడు. అందుకోసం తమ బౌలింగ్‌కు పదను పెట్టాలని, సరైన లైన్‌ అండ్‌ లెంగ్త్‌లో బంతులు విసరాలని వివరించాడు. మరోవైపు భారత్‌-పాకిస్థాన్‌ మ్యాచ్‌లో షహీన్‌ అఫ్రిది ఎలా బౌలింగ్‌ చేశాడో తానూ అలా చేయాలనుకుంటున్నట్లు చెప్పాడు. టీమ్‌ఇండియా టాప్‌ఆర్డర్‌ను కట్టడి చేయడంలో పాక్‌ పేసర్‌ అద్భుతంగా బంతులేశాడని మెచ్చుకున్నాడు. ఇక ఐసీసీ టోర్నీల్లో భారత్‌పై న్యూజిలాండ్‌కు మెరుగైన రికార్డు ఉన్న నేపథ్యంలో.. తాము కోహ్లీసేనను తక్కువ అంచనా వేయడంలేదని స్పష్టంచేశాడు. టీమ్‌ఇండియాతో ఆడటం తనకు సంతోషంగా ఉంటుందని బౌల్ట్‌ పేర్కొన్నాడు.

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని