మెగ్నీషియంతో మేలెంతో!

అందం - ఆరోగ్యం

మెగ్నీషియంతో మేలెంతో!

మహిళలు తమ ఆహారంలో రోజూ మెగ్నీషియం ఉండే పదార్థాలు చేర్చుకోవడం తప్పనిసరి అంటున్నారు ఆహార నిపుణులు. కండరాలను బలోపేతం చేయడం, మెదడును చురుగ్గా ఉంచడంలో ప్రధానపాత్ర వహించే మెగ్నీషియం గర్భిణులకు సంపూర్ణారోగ్యాన్ని అందిస్తుందని చెబుతున్నారు.
రక్తపోటును... మెగ్నీషియం ఉండే ఆహారాన్ని తీసుకుంటే అధిక రక్తపోటు అదుపులో ఉంటుంది. గుండెకు రక్తాన్ని సరఫరాచేసే నాళాల్లో రక్తపు గడ్డలను కరిగిస్తుంది. దీంతో హృద్రోగాలకు దూరంగా ఉండొచ్చు.
గర్భిణులకు... గర్భధారణ సమయంలో ఇది శరీరంలోని కణజాలాన్ని ఆరోగ్యంగా ఉంచుతుంది. సాధారణంగా ఈ సమయంలో వచ్చే వికారాన్ని తగ్గిస్తుంది. పిండం ఎదుగుదలలో లోపం, అలాగే గర్భంలోనే శిశువు మరణించడం వంటి పలు సమస్యలను మెగ్నీషియంతో ఎదుర్కోవచ్చు. 19 నుంచి 30 ఏళ్లలోపు గర్భిణులు రోజుకి కనీసం 350 మి.గ్రా మెగ్నీషిఆహారంలో చేర్చుకోవాలి. అప్పుడే భవిష్యత్తులో దంతాలు, ఎముకలకు వచ్చే అనారోగ్యాలు, ఆస్టియోపొరోసిస్‌ వంటివాటికి దూరంగా ఉండొచ్చు.
నెలసరి సమయంలో... మహిళలు నెలసరిలో ఎదుర్కొనే ఒత్తిడి, ఒంటి నొప్పులు, మూడ్‌ స్వింగ్స్‌, ఆందోళన లాంటి సమస్యలను ఎదుర్కొంటారు. వీటి నుంచి ఉపశమనం పొందాలంటే ఆహారంలో మెగ్నీషియం తప్పనిసరిగా ఉండాల్సిందే.