మెరిపించే ఇ విటమిన్‌!

అందం - ఆరోగ్యం

మెరిపించే ఇ విటమిన్‌!

విటమిన్‌-ఇ, యాంటీఆక్సిడెంట్లు, ఒమెగా-3 ఫ్యాటీ యాసిడ్లు అధికంగా ఉండే బాదంలు ఆరోగ్యానికెంతో మేలు చేస్తాయి. ఈ పోషకాల గనులను అందానికి మెరుగులు దిద్దుకోవడానికీ వాడొచ్చు.
నునుపుగా మారాలంటే: ఐదారు బాదం గింజల్ని రాత్రి నానబెట్టి మర్నాడు కాస్త బరకగా పేస్టు చేయాలి. దీంట్లో రెండు చెంచాల తేనె, అరచెంచా పాలు కలపాలి. ఈ మిశ్రమాన్ని ముఖానికి రాసి స్క్రబ్‌ చేయాలి. అరగంట తర్వాత గోరువెచ్చని నీటితో శుభ్రం చేసుకోవాలి. తరచూ ఇలా చేయడం వల్ల మృత కణాలు తొలగి చర్మం నునుపుగా మారుతుంది.
తేమగా ఉండాలంటే: నాలుగు చెంచాల బాదం పేస్టులో రెండు చెంచాల అరటిపండు గుజ్జు, చెంచా గులాబీనీరు కలపాలి. దీన్ని ముఖానికి రాసుకుని ఇరవై నిమిషాల తర్వాత శుభ్రంగా కడిగేయాలి. వారానికోసారైనా ఇలా చేస్తే ముఖం తేమగా, తాజాగా కనిపిస్తుంది.
మెరవాలంటే: నానబెట్టి రుబ్బిన రెండు చెంచాల బాదం పేస్టులో చెంచా సెనగపిండి, కొద్దిగా పెరుగు కలపాలి. ఈ మిశ్రమాన్ని ముఖానికి రాసి పావుగంట ఆరనివ్వాలి. తర్వాత వేళ్లను తడిచేసుకుని సవ్య, అపసవ్య దిశల్లో మృదువుగా మర్దనా చేయాలి. తరచూ ఇలాచేస్తే తేడా మీకే తెలుస్తుంది.

Tags :

మరిన్ని

జిల్లా వార్తలు

చదువు సుఖీభవ మకరందం ఈతరం ఆహా హాయ్ బుజ్జీ స్థిరాస్తి రుచులు దేవతార్చన

అందం - ఆరోగ్యం

మరిన్ని

రుచులు

App