జుట్టు ఊడకుండా ఉండాలంటే!

అందం - ఆరోగ్యం

జుట్టు ఊడకుండా ఉండాలంటే!

కాలుష్యం, సరైన పోషణా, సంరక్షణ చర్యలు తీసుకోకపోవడం, జన్యువులు... ఇలా కారణాలేవైనా... కొందరిలో జుట్టు అదేపనిగా ఊడుతుంది. మరి దీన్ని తగ్గించుకోవాలంటే
ఏం చేయాలో చూద్దామా...
షాంపు... మీ జుట్టుకు తగిన రకాన్ని ఎంపిక చేసుకోవాలి. దీంతో తలస్నానం చేసిన ప్రతిసారి నురగ, అవశేషాలు పూర్తిగా తొలగిపోయేలా చూసుకోవాలి. దీన్ని ఎక్కువగా వాడటం వల్ల మాడు పొడిబారి వెంట్రుకలు రాలడం మొదలవుతుంది. ఒకవేళ మీ జుట్టు జిడ్డుగా ఉన్నట్లయితే వారంలో రెండుమూడుసార్లు షాంపూ వాడాల్సిందే. అయితే రసాయనాలు తక్కువగా ఉండే దాన్ని ఎంపిక చేసుకోవాలి. లేదంటే జుట్టు మరింత పొడిబారే ప్రమాదం ఉంది.
కండిషనర్‌... నాణ్యమైన కండిషనర్‌ వెంట్రుకలకు పోషణనిస్తుంది. ఇందులోని అమైనో ఆమ్లాలు పాడైన కేశాలను బాగుచేసి మృదువుగా మారుస్తాయి.
ఆహారం, వ్యాయామం... ఎంత నాణ్యమైన షాంపూ వాడినా, సరైన పోషకాహారం తీసుకోకపోతే జుట్టు ఆరోగ్యంగా ఉండదు. ఆహారంలో మాంసకృత్తులు, ఇనుము ఉండేలా చూసుకోవాలి. అలాగే వ్యాయామం కూడా తప్పనిసరిగా చేయాల్సిందే. ఇందుకోసం యోగా, ధ్యానం, లాంటివి ఎంచుకోవాలి. ఇవి మీ మానసిక, శారీరక ఆరోగ్యంతోపాటు వెంట్రుకలు చక్కగా పెరిగేలా చేస్తాయి.
రసాయన చికిత్సలకు దూరంగా... స్ట్రైయిటనింగ్‌, కలరింగ్‌, కర్లింగ్‌... ఇలా రకరకాల చికిత్సలను తరచూ చేయించుకోవడం వల్ల హెయిర్‌ పాడవుతుంది. వెంట్రుకలు తడిగా ఉన్నప్పుడే బ్లో డ్రయ్యర్‌, కర్లింగ్‌ రాడ్స్‌.. లాంటివి వాడితే చివర్లు చిట్లుతాయి.
తరచూ కత్తిరింపులూ.. రెండు నెలలకోసారి చివర్లు కత్తిరిస్తూ ఉంటే జుట్టు చక్కగా పెరుగుతుంది.
పోషణ కావాల్సిందే... కొబ్బరినూనెను తలకు పట్టించడం వల్ల మాడుకు చక్కగా రక్తప్రసరణ జరిగి కుదుళ్లు గట్టిపడతాయి. కాబట్టి వారంలో ఓసారి తలకు నూనె పట్టించి రెండు గంటల తర్వాత తక్కువగాఢత ఉండే షాంపూతో తలస్నానం చేయాలి.

Tags :

మరిన్ని

జిల్లా వార్తలు

చదువు సుఖీభవ మకరందం ఈతరం ఆహా హాయ్ బుజ్జీ స్థిరాస్తి రుచులు దేవతార్చన

అందం - ఆరోగ్యం

మరిన్ని

రుచులు

App