పులిపిర్లతో ఇబ్బందిగా ఉంది...

డియర్ వసుంధర

పులిపిర్లతో ఇబ్బందిగా ఉంది...

నాకు 40 ఏళ్లు. చెంపల మీద చిన్న పులిపిర్లు వస్తున్నాయి. వాటికవే రాలిపోయి మళ్లీ కొత్తవి వస్తున్నాయి. వీటివల్ల బయటకు వెళ్లినప్పుడు ఇబ్బందికరంగా ఉంటోంది. ఇలా రాకుండా ఉండాలంటే ఏంచేయాలి?

- ఓ సోదరి

వీటినే స్కిన్‌ట్యాగ్స్‌ అనికూడా అంటారు. ఇవి ప్రమాదకరంకాదుగానీ చూడ్డానికి ఇబ్బందికరంగా ఉంటాయి. సాధారణంగా మధ్యవయసులో పులిపిర్లు వస్తుంటాయి. ఉన్నవాటిని తొలగించిన తర్వాత కొత్తవి రావని చెప్పలేం.
కారణాలు: సాధారణంగా వంశపారంపర్యంగానూ, ప్రసవానంతరం, అధిక బరువున్నా ఇవి వస్తుంటాయి. అలాగే వ్యక్తిగత పరిశుభ్రత పాటించకపోయినా శరీరాన్ని పొడిగా, శుభ్రంగా ఉంచుకోకపోయినా పులిపిర్లు వచ్చే అవకాశముంది. ఇవి ఒకరి నుంచి మరొకరికి వ్యాపించవు. అలాగే వీటివల్ల క్యాన్సర్‌ వచ్చే ప్రమాదమూ లేదు.
చికిత్స: పైపూతగా క్రీమ్‌లు వాడినా పెద్దగా ఉపయోగం ఉండదు. క్రయోథెరపీ, రేడియోఫ్రీక్వెన్సీ ద్వారా వీటిని తొలగించాలి. పులిపిర్లు వచ్చిన వెంటనే తొలగిస్తే వ్యాపించకుండా ఉంటాయి. వీటి గురించి ఎక్కువగా ఆందోళనపడాల్సిన అవసరం లేదు.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

డియర్ వసుంధర

మరిన్ని

రుచులు

App