close

Published : 06/01/2021 01:34 IST
Facebook Share Twitter Share WhatsApp Share Telegram Share
నేను కూడా టీకా వేసుకున్నా!

ఇంటర్నెట్‌ డెస్క్: ప్రపంచ వ్యాప్తంగా ఎనిమిది కోట్ల అరవై లక్షలకు పైగా ప్రజలకు కరోనా సోకింది. వారిలో పద్దెనిమిది లక్షల మందికి పైగా ప్రాణాలు పోగొట్టుకున్నారు. ఈ పరిస్థితుల్లో కరోనా వైరస్‌ను కట్టడి చేసే టీకా కోసం ప్రపంచమంతా ఎదురుచూస్తుంటే.. మరికొందరు  ఇంజక్షన్‌ (సూదిమందు) అంటే ఉన్న భయంతో టీకా వేయించుకోమనే వారూ ఉన్నారు. ఇలాంటి విచిత్రమైన కారణంతో ప్రాణానికి రక్షణ కల్పించే టీకాను దూరంచేసుకోకుండా.. వారికి స్ఫూర్తినిచ్చే వీడియో ఒకటి ఇటీవల వైరల్‌ అవుతోంది. ఇది  సరదా సరదాగా నవ్విస్తూనే, సూదిమందు తీసుకోవటం ఎంత సులభమో చెపుతోంది. ఇంతకీ ఇందులో ఏముందంటే..

ఓ తండ్రి, కుమార్తె టీకా వేయించుకునేందుకు ఆరోగ్య కేంద్రానికి వస్తారు. ఐతే ఇంజక్షన్‌ తీసుకునేందుకు ఆ చిన్నారి భయపడుతుంది. పాప ఆందోళనను తగ్గించేందుకు అక్కడి నర్సు, ఆ వ్యక్తి ఓ ఆలోచన చేస్తారు. దీని ప్రకారం నర్సు అతని చేతిపై టీకా వేసినట్టు చేస్తారు. తాను కూడా వ్యాక్సిన్‌ తీసుకున్నట్టు.. ఆ సమయంలో కాస్త నొప్పి వచ్చినట్టు ఆ వ్యక్తి నటిస్తారు. అనంతరం నాకేం కాలేదని నవ్వుతూ చెప్తారు. దీనితో ఆ చిన్నారి కూడా ధైర్యంగా టీకా వేయించుకుంటుంది. నవ్వుతూ టాటా చెపుతుంది. కాగా, ప్రస్తుత సమాజంలో మనకు ఇలాంటి తల్లితండ్రులే కావాలంటూ  పలువురు నెటిజన్లు కామెంట్లు పెడుతున్నారు.

ఇవీ చదవండి..

వస్తువులు తీసుకుని డబ్బు ఇస్తుంది..

101 ఏళ్ల మహిళకు తొలి టీకా..


Tags :

మరిన్ని

జిల్లా వార్తలు

దేవతార్చన

మరిన్ని
రుచులు